Tovuzda əsgər Namazov Nihad Kamrəddin oğlu dəfn edilib
14 sentyabr 2023 | 18:55
Sentyabrın 13-ü çətin relyefli dağlıq ərazidə hərbi nəqliyyat vasitəsinin qəzaya uğraması nəticəsində Azərbaycan Ordusunun hərbi qulluqçusu, əsgər Namazov Nihad Kamrəddin oğlu həlak olub.
Doğulub boya-başa çatdığı Qovlar şəhər qəbristanlığında dəfn olunan Nihad Namazovun ruhuna dualar oxunub, məzarı üstünə əklillər və tər qərənfillər qoyulub.
Vida mərasimində Tovuz rayon İcra Hakimiyyətinin başçısı Məmməd Məmmədov, hüquq-mühafizə orqanlarının rəhbərləri, hərbçilər, rayon ictimaiyyətinin nümayəndələri və sakinlər iştirak ediblər.
Dəfn mərasimin sonunda üçrəngli Azərbaycan bayrağı Nihad Namazovun atası Kamrəddin Namazova təqdim olunub.
Allah rəhmət eləsin!
Keçidlər
