Tovuzda “27 sentyabr-Anım günü” ilə əlaqədar şahmat turniri keçirilib
Tovuz Rayon İcra Hakimiyyətinin tədbirlər planına uyğun olaraq Tovuz Rayon İcra Hakimiyyətinin və Tovuz rayon təhsil sektorunun birgə təşkilatçılığı ilə "27 sentyabr-Anım günü"nə həsr edilmiş rayonun məktəblərinin və Uşaq Gənclər İdman Şahmat Məktəbinin 7-16 yaş qrup şagirdləri arasında şahmat idman növü üzrə turnir keçirilmişdir.
Turnirdə şəhidlərin əziz xatirəsi bir dəqiqəlik sükutla yad edilmiş, Azərbaycan Respublikasının Dövlət Himni səsləndirilmişdir.
Tovuz Uşaq Gənclər İdman Şahmat Məktəbində keçirilən turnirin açılışında Tovuz Rayon İcra hakimiyyəti, Tovuz rayon təhsil sektoru, Uşaq Gənclər İdman Şahmat Məktəbinin məsul əməkdaşları iştirak ediblər.
Yeddi turdan ibarət İsveçrə sistemi ilə keçirilən şahmat turnirə 70 nəfər məktəbli qatılmışdır.Qaliblər Uşaq Gənclər İdman Şahmat Məktəbinin müvafiq diplom və medalları ilə təltif edilmişlər.
