Tovuzda 27 sentyabr - Anım Günü ilə əlaqədar intellektual bilik yarışması keçirilib
Tovuz Rayon İcra Hakimiyyətinin tədbirlər planına uyğun olaraq Tovuz Rayon İcra Hakimiyyətinin və Qazax-Tovuz Regional Təhsil İdarəsinin Tovuz rayon üzrə təhsil sektorunun birgə təşkilatçılığı ilə "27 sentyabr-Anım günü"nə həsr edilmiş rayon məktəblərinin 9-11 sinif şagirdləri arasında intellektual bilik yarışması keçirilib.
Bilik yarışmasının açılışında Tovuz Rayon İcra Hakimiyyətinin, Tovuz rayon təhsil sektorunun məsul əməkdaşları və müharibə iştirakçıları iştirak ediblər.
Tədbirdən əvvəl tədbir iştirakçıları Şəhidlər Xiyabanını ziyarət ediblər. Elxan Məmmədov adına Tovuz şəhər tam orta məktəbində keçirilən bilik yarışmasında şəhidlərin əziz xatirəsi bir dəqiqəlik sükutla yad edilmiş, Azərbaycan Respublikasının Dövlət Himni səsləndirilmişdir.
Bilik yarışmasında müxtəlif məktəblərdən olan “Qayıdış”, “Vətən”, “Güvən”, “Gələcəyin qurucuları” və “Qələbə” adlı komandalar iştirak edib.
Bilik yarışmasında Tovuz şəhər Elxan Məmmədov adına tam orta məktəbi təmsil edən “Qayıdış” komandası müharibəyə həsr edilmiş sualları yüksək səviyyədə cavablandıraraq qalib olmuşlar.
Sonda Adil Qasımov adına Tovuz şəhər tam orta məktəbin şagirdləri Vətən müharibəsinə həsr olunmuş bədii kompazisiyanı nümayiş etdiriblər.
