RİH başçısının Ağacqala kəndində səyyar qəbulu keçirilib
17 iyul 2025 | 18:50
Tovuz rayon İcra Hakimiyyətinin başçısı Məmməd Məmmədovun Ağacqala kəndində səyyar qəbulu keçirilib.
Ağacqala kəndində keçirilən səyyar qəbul-görüşdə rayonda fəaliyyət göstərən idarə, müəssisə və təşkilatların rəhbərləri və kənd sakinləri iştirak ediblər.
Qəbul zamanı Ağacqala kənd sakinləri onları narahat edən məsələləri səsləndiriblər. Kənd sakinləri tərəfindən qaldırılan məsələlər qeydiyyata alınıb və həlli üçün aidiyyəti təşkilatlara müvafiq tapşırıqlar verilmişdir.
Ağacqala kənd sakinləri təşkil olunan səyyar qəbulların vacibliyini qeyd etmiş, göstərilən dövlət qayğısına görə ölkə rəhbərliyinə öz təşəkkürlərini bildirmişlər.
Keçidlər
