RİH başçısı Qaradaş kəndində səyyar qəbul-görüş keçirib
06 iyul 2023 | 19:48
Tovuz Rayon İcra Hakimiyyətinin başçısı Məmməd Məmmədovun Qaradaş kəndində növbəti səyyar qəbul-görüşü keçirilib.
Qaradaş kənd ümumi orta məktəbin ərazisində təşkil olunan səyyar qəbul-görüşdə idarə, müəssisə və təşkilatların rəhbərləri və kənd ictimaiyyət nümayəndələri iştirak ediblər.
Səyyar qəbul-görüşdə iştirak edən Qaradaş, Qayadibi və Qonaqlı kəndlərinin sakinləri onları narahat edən problemlər səsləndiriblər. Kənd sakinləri tərəfindən qaldırılan məsələlər qeydiyyata alınıb və həlli üçün aidiyyəti təşkilatlara müvafiq tapşırıqlar verilmişdir.
Kənd sakinləri onlara göstərilən diqqət və qayğıya görə ölkə Prezidentinə təşəkkürlərini ifadə ediblər.
Keçidlər
