8 Noyabr - “Zəfər Günü” münasibəti ilə "TIR" atıcılığı üzrə rayon turniri keçirilib
Tovuz Rayon İcra Hakimiyyətinin, Qazax-Tovuz Regional Gənclər və İdman İdarəsinin Tovuz rayon üzrə Gənclər və İdman sektorunun birgə təşkilatçılığı Tovuz Regional ASAN Xidmət Mərkəzinin “ASAN Hərbi Vətənpərvərlik” Mərkəzində 8 Noyabr - “Zəfər Günü” münasibəti ilə "TIR" atıcılığı üzrə rayon turniri keçirilmişdir.
Əvvəlcə yarışın qaydaları və təhlükəsizlik tədbirləri barədə iştirakçılara məlumat verilmişdir. Turnirdə rayonda fəaliyyət göstərən idarə və müəssisələri təmsil edən 24 nümayəndə iştirak etmişdir. Gərgin idman mübarizəsi şəraitində keçən yarışda 1-ci yerə Tovuz Regional ASAN Xidmət Mərkəzinin əməkdaşı İsmayılov Azər Razim oğlu layiq görülmüşdür.
Qaliblər Qazax-Tovuz Regional Gənclər və İdman İdarəsinin fəxri fərmanları ilə təltif olunublar.
