Tovuz rayon İcra Hakimiyyəti başçısının 2012-ci ilin yekunlarına və 2013-cü ildə qarşıda duran vəzifələrə dair hesabat yığıncaq keçirilmişdir

28 fevral  2013-cü il  tarixdə  Aşıq Əkbər Cəfərov adına rayon mədəniyyət evində Tovuz  rayon  İcra  Hakimiyyəti  başçısının 2012-ci ilin yekunlarına və 2013-cü ildə qarşıda duran vəzifələrə həsr olunmuş  hesabat  yığıncağı  keçirilmişdir. Hesabat  yığıncağından əvvəl tədbir iştirakçıları Ümumilli lider Heydər Əliyevin abidəsi önünə tər gül dəstələri qoymuşlar.
Hesabat  yığıncağında  Tovuz rayon İcra  Hakimiyyəti  başçısı  cənab Tofiq Zeynalov məruzə ilə çıxış  etmişdir. Hesabat məruzəsində 2012-ci ildə görülən işlər ətraflı təhlil olunmuş və 2013-cü ildə qarşıda duran vəzifələr və görüləcək işlər barədə tədbir iştirakçılarına geniş məlumat verilmişdir.
Məruzə  ətrafında  çıxışlarda rayonun sosial-iqtisadi inkişafı, infrastruktur layihələrin həyata keçirilməsi və quruculuq işlərinin aparılması ilə bağlı müəyyən təkliflər səslənmişdir. Sosial sifariş xarakterli təkliflərin yığıncağın  qərar layihəsində nəzərə alınması tövsiyyə edilmişdir.
Hesabat yığıncağında Milli Məclisin deputatları İlyas İsmayılov və Rafiq Məmmədhəsənov, Azərbaycan Respublikası Prezidenti Administrasiyasının məsul işçisi Habil Əzənmədov çıxış etmişlər.
Hesabat yığıncağının sonunda  Azərbaycan  Respublikasının Prezidenti  cənab İlham Əliyevə müraciət  qəbul  edilmişdir.