Seçki məntəqələrində yanğın təhlükəsizliyi qaydalarına ciddi əməl olunmalıdır

Qüvvədə olan qanunvericiliyə əsasən, seçki məntəqələrinin yerləşdiyi binada yanğın təhlükəsizliyi qaydalarının tələblərinin pozulmasına görə həmin müəssisənin, təşkilatın rəhbəri məsuliyyət daşıyır;

Seçki məntəqələrinin yerləşdiyi binada köçürmə çıxışlarının bütün qapıları otaqlardan çıxışa doğru sərbəst açılmalıdır;

Seçki məntəqələrinin yerləşdiyi binada işin sonunda təyinatından asılı olmayaraq nəzarət olunmayan bütün otaqlarda elektrik qurğuları və cihazları şəbəkədən ayrılmalıdır;

Elektrik xətləri və uzadıcıları həddindən artıq yüklənməməlidir!

Seçki məntəqələri ilkin yanğınsöndürmə vasitələri ilə təmin edilməlidir;

Seçki məntəqələrində standartlara uyğun olmayan elektrik avadanlıqlarından istifadə etmək olmaz;

Seçki məntəqələrinin üzvləri binanın təxliyyə yollarını, su hovuzunun, daxili yanğın su kranlarının yerini əvvəlcədən öyrənib yadda saxlamalıdırlar;

Seçki məntəqələrində elektrik avadanlıqlarını işlək vəziyyətdə nəzarətsiz qoymaq qadağandır.

Yanğın zamanı davranış qaydaları:

Yanğın baş verdikdə dərhal “112” qaynar xəttinə zəng vuraraq xəbər verin, ətrafdakıları xəbərdar edin;

Mümkündürsə, yanğını söndürməyə çalışın, yanğını odsöndürən balonla, palaz, keçə, qum və su ilə söndürmək olar;

Yanğın zamanı qapı və pəncərələri açmaq olmaz;

Yanğın zamanı elektrik cərəyanı olan yerləri su ilə söndürmək olmaz;

Yanğınsöndürmə vasitələrinin təyinatını və onlardan istifadə etməyi öyrənin;

Tüstüdən qorunmaq üçün ağız və burnu nəm dəsmalla bağlayın;

Döşəməyə yaxın ərazidə tüstü daha az olduğundan tüstülənmiş otaqda əyilərək və ya sürünərək hərəkət edin;

Yanğınla mübarizə apara bilmirsinizsə və həyətə cəld çıxış imkanı varsa, sənəd və qiymətli əşyaları götürərək dərhal həyətə çıxın.

Rövşən Bəkirov

FHN-in Dövlət Yanğın Nəzarəti Xidmətinin Yanğına

qarşı təbliğat şöbəsinin böyük təlimatçısı