Tovuzun dağ kəndi olan Molla Ayrım kəndində modul tipli məktəb quraşdırılacaqdır
08 avqust 2020 | 16:00
Azərbaycan Respublikasının Prezidenti möhtərəm cənab İlham Əliyevin rəhbərliyi ilə əhalinin sosial rifahının yaxşılaşdırılması və təhsilin maddi texniki bazasının möhkəmləndirilməsi istiqamətində tədbirlər davam edir.
Cənab Prezidentin 2020-ci il 8 avqust tarixli Sərəncamına əsasən rayonun dağ kəndi olan Molla Ayrım kəndində 20 şagird yerlik modul tipli ibtidai məktəb quraşdırılacaq. Bununla da rayon ərazisində modul tipli məktəblərin sayı 14-ə çatdırılacaqdır.
Sakinlər ölkəmizdə sosial infrastrukturun yaxşılaşdırılması sahəsində həyata keçirilən tədbirlərdən məmnundur və onlara göstərilən dövlət qayğısına görə dövlət başçısına minnətdarlıqlarını ifadə edirlər.
Keçidlər
