Tovuz rayon İcra hakimiyyətinin başçısı cənab Məmməd Məmmədov Sarıtala kənd İƏD-nin tərkibinə daxil olan kəndlərin sakinləri ilə görüş keçirib
Rayon İH başçısının növbəti səyyar qəbulu Çobansıxnaq kəndində keçirilmişdir. Tədbirdə rayonun ayrı-ayrı idarə, müəssisə və təşkilat rəhbərləri, yerli qurumların nümayəndələri və kənd sakinləri iştirak etmişdir.
Səyyar qəbul-görüşü giriş sözü ilə rayon icra hakimiyyətinin başçısı cənab Məmməd Məmmədov açaraq möhtərəm Prezidentimiz cənab İlham Əliyevin rəhbərliyi ilə ölkəmizdə aparılan quruculuq işlərindən, ictimai-siyasi sabitliyin qorunması istiqamətində görülən işlərdən danışmışdır.
Cənab M. Məmmədov əhalini narahat edən problemlərin həlli istiqamətində həyata keçirilən tədbirlər, rayonunun mövcud potesialı və qarşıda duran vəzifələr barədə kənd sakinlərinə məlumat vermişdir.
Görüş zamanı kənd sakinlərindən bir neçəsi çıxış edərək dövlət başçısı cənab İlham Əliyevə minnətdarlıqlarını ifadə etmiş, onları narahat edən bir sıra məsələləri dilə gətirmişlər. Müraciət edən kənd sakinləri Talıb Mahmudov, Çingiz Əsgərov, Fərmayıl Kazımov, Hüseyn Kazımov, Rüstəm Həsənov, Qədim Məmmədov, Tovuz-Sarıtala-Haçaqaya avtomobil yolunun əsaslı təmiri ilə bağlı işlərin sürətləndirilməsi, dağ kəndlərinin qazlaşdırılması, elektrik təsərrüfatının əsaslı təmir olunması, şəhid ailəsi kimi mənzil və iş məsələləri barədə xahiş və təkliflər səsləndirmişlər.
Səyyar qəbul-görüşdə vətəndaşlar tərəfindən qaldırılan məsələlərin öyrənilməsi, araşdırılması və müvafiq tədbirlər görülməsi barədə aidiyyəti üzrə tapşırıqlar verilmişdir.
